10 persona ndodhen ende nën rrënoja pas një shpërthimi që shkaktoi shembjen e dy ndërtesave të banimit në qytetin jugor francez të Marsejës këtë të diel.
Shembja shkaktoi një zjarr që ndërlikoi përpjekjet e shpëtimit. Autoritetet vlerësuan se ishin nga katër deri në 10 persona nën rrënoja. Pesë persona u dërguan në spital me lëndime të rënda, por jo të rrezikshme për jetën dhe një person i gjashtë po trajtohet për tronditje.
Një ndërtesë e tretë është shembur pjesërisht dhe njerëzit janë evakuuar.
Nuk dihet ende shkaku i shpërthimit.