Policia e Pogradecit ka arrestuar një 17-vjeçar, i cili dyshohet se ka plagosur me thikë një 15-vjeçar. Ky i fundit është paraqitur për mjekim në Spitalin e Pogradecit.
Ngjarja ka ndodhur në lagjen numër 3, në afërsi të gjykatës së Pogradecit, për motive të dobëta.
Sipas burimeve të siguruara nga “News 24”, dyshohet se konflikti ka nisur për një vajzë.
Ndërkohë, autori i dyshuar, N. M, është kapur nga uniformat blu menjëherë pas ngjarjes dhe ndodhet i shoqëruar në ambientin e Komisariatit të Policisë Pogradec.