Dhunë, sherr dhe kaos janë fjalët që përshkruajnë ceremoninë vjetore të ndarjes së çmimeve “Mad Video Music Awards 22” në Athinë. Dy persona u përleshën me rojet e sigurisë, duke shkaktuar kaos në arenë. E plagosur ka mbetur moderatorja e njohur greke Roula Koromila dhe është lënduar lehtë këngëtarja e mirënjohur Elena Paparizo.
Sa i përket këngëtares greke Elena Paparizou, ajo ndodhej shumë pranë vendit ku ndodhi përleshja dhe është shtyrë furishëm duke vrapuar për t’u larguar nga vendi. Sherri nisi në podiumin zyrtar, teksa dy persona kanë nisur të shtyhen me njëri-tjetrin, ndërsa turma është afruar për t’i ndarë.
Ky episod ndodhi teksa Ioanna Paliospyrou ishte në skenë dhe do t’i jepte artistes Elena Paparizou çmimin e baladës më të mirë të vitit, e cila në atë kohë ndodhej në vendet VIP.