Paloma është konkurrentja e dytë që largohet nga shtëpia e “Big Brother” mbrëmjen e së premtes. Vëllai i Madh vendosi të nxjerrë në nominim të gjithë banorët, pasi disa prej tyre kanë shkelur rregullat e produksionit.
Publiku vendosi të largojë Palomën, një nga vajzat më aktive në shtëpi, që është bërë shpesh pjesë e debateve dhe tensioneve mes VIP-ave. Më herët gjatë spektaklit u largua Sheila, që u shpreh se e ka shijuar këtë eksperiencë dhe ndihet krenare me veten.