Policia e Elbasanit bën të ditur detaje të tjera lidhur me sherrin e ndodhur mbrëmjen e djeshme. Bëhet e ditur se është vënë në pranga pronari i lokalit, pasi ka tentuar të prishë provat dhe ka kundërshtuar punonjësit e policisë të cilët po rrethonin zonën.

NJOFTIMI I PLOTE

Elbasan

Tentoi të prishte vendin e ngjarjes dhe kundërshtoi me dhunë punonjësit e Policisë të Patrullës së Përgjithshme, vihet në pranga 25-vjeçari.

Specialistët për Hetimin e Krimit në Komisariatin e Policisë Elbasan arrestuan në flagrancë shtetasin:

R. L., 25 vjeç, banues në Elbasan.

Arrestimi i tij u bë pasi në lokalin në pronësi të tij, ku u plagos me mjete të forta shtetasi L. I., ka tentuar të prishë vendin e ngjarjes, duke i kundërshtuar me dhunë shërbimet e Policisë që po bënin sigurimin e vendit të ngjarjes.

Materialet hetimore i kaluan Prokurorisë pranë Gjykatës së Shkallës Parë Elbasan, për veprimet e mëtejshme.

PËRGJIGJU

Please enter your comment!
Please enter your name here