Shfaq shqetësime në burg, 52- vjeçari ndërron jetë rrugës për në spital

Një 52-vjeçar që vuante dënimin në burgun e Fierit, ka humbur jetën rrugës për në spital. Mësohet se ngjarja ka ndodhur në orët e para të mëngjesit në burgun e Fierit dhe dyshohet që shkak i vdekjes ka qenë një infarkt. Shoku i dhomës ka konstatuar problemin shëndetësor i ka njoftuar autoritetet të cilat kanë marrë masat për ta dërguar në spital. 52-vjeçari ka mbërritur pa shenja jete në spitalin e Fierit.