13 persona janë arrestuar në Kavajë, si pasojë e një mega-operacioni për ndalimin e shitjes së lëndëve narkotike në qytet.
Sipas asaj që raporton policia e Durrësit, nga operacioni i koduar “Ëinter”, 13 persona janë vënë në pranga, një nën hetim dhe një tjetër në kërkim.
Gjithashtu, u sekuestruan 3 silenciatorë, 1 jelek antiplumb dhe pajisje për modifikimin e armëve të zjarrit, që u gjetën në një ambient në Kavajë, që dyshohet se ishte përshtatur për modifikimin e armëve të zjarrit.
Si rezultat i hetimeve të kryera, u ekzekutuan urdhrat e ndalimit për 13 shtetas, si më poshtë:
Renaldo Gjondeda, 35 vjeç, banues në Rrogozhinë;
Rudi Dimni, 29 vjeç, banues në Kavajë;
Elion Danai, 22 vjeç, banues në Kavajë;
Rexhep Lushka, 25 vjeç, banues në Kavajë;
Ramazan Kola, 19 vjeç, banues në Kavajë;
Alesio Shaba, 23 vjeç, banues në Kavajë;
Rei Shaba, 21 vjeç, banues në Kavajë;
Endri Meçja, 29 vjeç, banues në Kavajë;
Besnik Belba, 33 vjeç, banues në Kavajë;
Serxho Abazi, 25 vjeç, banues në Kavajë;
Kujtim Veizi, 52 vjeç, banues në Kavajë;
Bardhyl Dumullaku, 50 vjeç, banues në fshatin Synej;
Arben Xhihani, 38 vjeç, banues në Kavajë.
Gjithashtu, ka nisi procedimi në gjendje të lirë për shtetasin N. M., 32 vjeç, banues në Kavajë dhe është shpallur në kërkim shtetasi B. D., 32 vjeç, banues në Kavajë.
Janë sekuestruar në cilësinë e provës materiale gjithashtu dhe 80 doza kokaine, 620 doza kanabisi, 2 peshore elektronike, pajisje për presimin e lëndëve narkotikëve dhe ndarjen e tyre në doza, shuma parash në euro dhe lekë dhe 19 celularë.
Nga veprimet hetimore dyshohet se këta shtetas, në bashkëpunim me njëri-tjetrin dhe individualisht, shitnin doza të lëndëve narkotike kokainë dhe kanabis, në zona të ndryshme të Kavajës, kryesisht afër shkollave.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.