Autoritetet në Spanjë kanë goditur një grup kriminal që përbëhej nga shqiptarë, e që merrej me kultivimin dhe shpërndarjen e marijuanës në qytetet e Barcelonës, Tarragonës dhe Gironës.
Në pranga kanë përfunduar 11 shqiptarë, të cilët po hetohen si të dyshuar për veprën penale të trafikut të drogës, veprimtarisë në grup kriminal dhe vjedhjes së energjisë elektrike.
Hetimi filloi në fund të vitit 2021 dhe në janar të këtij viti u bë i mundur arrestimi i 2 personave përgjegjës për një plantacion në një shtëpi në Castellbisbal (Vallès Occidental). Asokohe, policia spanjolle zbuloi 1264 bimë.
Më pas, në një shtëpi tjetër në El l Vendrell (Baix Penedès) u arrestuan 2 persona dhe në maj, policia zhvilloi një operacion në Caldas de Malavella (Selva) ku gjeti 122 bimë, 76 kilogramë kanabis .