Drejtori i inspektoratit në qytetin e Shkodrës, Gentian Ibro njoftoi se shtatëmbëdhjetë subjekte publike në pedonalen e Shkodrës po lirojnë hapësirat e tyre pas aksionit të ndërmarrë nga Policia Bashkiake.
Mësohet se ky aksion po kryhet me mirëkuptimin e subjekteve dhe ata nuk kanë ushtruar rezistencë.
“Aksioni ishte planifikuar në orën 9, kemi hasur bashkëpunimin e subjekteve. Ata po bëjnë lirimin vullnetarisht. Rezistencë nuk ka pasur, ka pasur bashkëpunim. Një ndër objektivat e kryetarit të bashkisë është lirimi i hapësirave publike. Ky subjekt frekuentohet shumë nga turistë vendas dhe të huaj. Bashkia është e vendosur në iniciativat e veta”, u shpreh Ibro.