Shkolla e Dëshmorit të Arsimit “Mustafa Gjestila” në Bashkinë Mat është gati për vitin akademik 2023-2024.
Investimi i fundit ka mundësuar mjedise bashkëkohore, me pajisje dhe orendi të reja.
Një ditë para fillimit të vitit akademik 2023-2024, në hyrje të godinës bie në sy jetëshkrimi i Dëshmorit të Atdheut Mustafa Gjestila.
Mustafa Gjestila ishte një figurë e shquar në arsimin e kësaj zone. Ai mbaroi studimet në Fakultetin e Shkencave të Natyrës dhe pastaj punoi si mësues dhe drejtues në shkollat e mesme “26 Korriku” në Bruç dhe “Pjetër Budi” në Burrel. Gjestila gjithashtu kreu me sukses detyrën e drejtorit të arsimit në Bashkinë Mat dhe u shpall “Qytetar Nderi” dhe “Dëshmor i Atdheut.”
Me 5 shtator 2002 po kthehej nga inspektimi I shkollave ne Macukull e Derjan dhe ne fshatin Urxallë prurjet e pazakonta të lumit rrëmbyem mjetin me të cilin udhëtonin ai dhe shoferi Liri Ballabani. Ky investim i fundit dhe përkujtimi i Dëshmorit Mustafa Gjestila ndihmojnë në ruajtjen dhe pasurimin e trashëgimisë arsimore të kësaj shkolle dhe zonës së Matit.
