Një aksident rrugor është regjistruar pasditen e kësaj të hëne në qendër të qytetit të Beratit. Një makinë tip Benz është përplasur në kryqëzimin e rrugës me dy mjete të një filiali banke, njëra prej tyre me vlera monetare.
Mësohet se shoferi i Benzit ka qenë nën efektin e alkoolit.
Pas përplasjes së fuqishme që ka shkaktuar panik tek kalimtarët, shoferi i dehur në timon është larguar me shpejtësi nga vendngjarja por është kapur disa metra më poshtë nga patrullat e policisë.
Nga aksidenti fatmirësisht nuk pati pasoja në njerëz edhe pse të dyja anët e rrugës ishin me kalimtarë të shumtë.