Një aksident i rëndë ka ndodhur pasditen e sotme në Qafë Muzinë, në rrugën Gjirokastër-Sarandë. Deri tani raportohet se 4 persona kanë ndërruar jetë, ndërsa një tjetër ka mbetur e plagosur.
B.Prodo është shoferi i furgonit që ka rënë në Qafën e Muzinës, i cili ka ndërruar jetë në vendngjarje Ai ishte baba i tre fëmijëve dhe punonte me transport pasagjerësh në linjën Tiranë-Sarandë.
Në vendngjarje kanë shkuar forca të shumta policie dhe forca zjarrfikëse. Shkaqet e ngjarjes së rëndë nuk dihen ende, dhe as identiteti i viktimave dhe gruas së plagosur. Kalimtarët e rastit që janë gjendur në momentin e aksidentit, kanë ndihmuar në nxjerrjen e pasagjerëve nga mjeti.
Për shkak të aksidentit është krijuar trafik i rënduar në aksin Sarandë-Gjirokastër.