Shkencëtarët kanë ndryshuar drejtimin e kohës me një kompjuter kuantik. Studimi shokues duket se është në kundërshtim me ligjet themelore të fizikës, duke dhënë një kuptim më të madh për këta lloj kompjuterësh kuantikë bën të ditur “The Independent”.
Duke përdorur elektronet dhe botën e çuditshme të mekanikës kuantike, shkencëtarët mundën të kthejnë kohën pas në një eksperiment. Kushdo që shikonte kompjuterin do ta shihte ngjarjen sikur koha të ishte kthyer pas e pas. Shkencëtarët, nga Instituti i Fizikës dhe Teknologjisë në Moskë,të ndihmuar nga kolegët e tyre zviceranë dhe amerikanë, presin që kjo teknikë të përmirësohet me kalimin e kohës, duke u bërë më e besueshme dhe e saktë me kalimin e kohës.
“Ne kemi krijuar artificialisht një gjendje që evoluon në drejtim të kundërt me atë të shigjetës termodinamike të kohës”, ka thënë drejtuesi kryesor i studimit Dr. Gordey Lesovik. “Makina e Kohës” është përshkruar në revistën “Raportime shkencore” dhe përbëhet nga një kompjuter kuantik fillestear me elektrone “Qubits”.
Një qubit është një njësi informacioni që përshkruhet me “një”, “zero” apo një mbivendosje e dy gjendjeve.