Në shtëpinë e ”Big Brother Kosova Vip 3”, një bisedë në dhomën e gjumit mes Rezit dhe Mevlanit ka ngritur dyshime për gjendjen e marrëdhënies mes Rezartit dhe Drenushës.
Dyshja biseduan rreth distancimit që ka ndodhur së fundmi mes Rezit dhe Drenushës, duke reflektuar mbi momentet që i kanë sjellë në këtë pikë. Rezarti i rrëfeu Mevlanit se ishte Drenusha ajo që e kishte puthur e para në buzë, duke lënë të kuptohet se afrimiteti ishte iniciuar nga ajo.
Megjithatë, situata ka marrë një kthesë të papritur pasi Drenusha është distancuar, duke lënë Rezartin në dilemë për arsyet e këtij ndryshimi të papritur.
“Unë nuk kam bërë asgjë, ishte Drenusha ajo që e mori hapin e parë,” u shpreh Rezi, duke vënë në dukje se veprimi i saj fillestar nuk përputhet me sjelljen e saj aktuale. Ai e ndau këtë shqetësim me Mevlanin, duke shtuar se ftohja e marrëdhënies ka ndikuar në dinamikën e qëndrimit të tyre në shtëpi.