Ambasada e Britanisë së Madhe në Tiranë, reagon për protestat që janë zhvilluar në kryeqytet dhe shoqërimin së fundmi të aktivistëve të Teatrit. Selia në Tiranë bën thirrje që tubimet të jenë paqësore.
Në reagimin e vetë, Ambasada thekson se ka ndjekur protestat dhe raportimet për ndalimin e disa aktivistëve dhe kërkon që hetimet për aktet e pretenduara të dhunës nga Policia të jenë të drejta.
“Ambasada Britanike ka ndjekur zhvillimet me protestat dhe raportimet për ndalimin e disa aktivistëve në Shqipëri. Ne nënvizojmë nevojën për të mbështetur të drejtën për tubim paqësor dhe bëjmë thirrje për hetime të drejta në lidhje me të gjitha pretendimet mbi përdorimin e dhunës”, thuhet në reagimin e Ambasadës Britanike në Tiranë.