Policia rrugore ka vijuar kontrollet në aksin rrugor Elbasan-Tiranë në zonën e Saukut, ku janë evidentuar shoferë duke qarkulluar me shpejtësi rreth 200 km në orë.
Për pasojë, janë pezulluar 22 patenta, nga të cilët 10 për shpejtësi tej normave të lejuara.
“Shpejtësi e frikshme e 21 vjeçarit nga Tirana, me 197 km/h mbrëmjen e së shtunës, në kushte të lagështirës në rrugë, trafikut ende me fluks të lartë. 21 vjeçari pa mbushur as 7 muaj nga data e pajisjes me patentë”- sqaron policia.