Anil Canka është arrestuar nga Policia e Lushnjes, pasi është kapur në flagrancë duke shpërndare lënë narkotike me doza. Policia thotë se 47-vjeçari është ndaluar në vendin e quajtur “Pushimi i shoferit”, ndërkohë që po udhëtonte me automjetin e tij, në të cilin, gjatë kontrollit, u gjet një sasi lënde e dyshuar narkotike kanabis, e ndarë në qindra doza, gati për shitje.
Po ashtu policia ka kryer kontroll në banesën e 47-vjeçarit, në të cilën iu gjetën edhe qindra doza të tjera me lëndë të dyshuar narkotike kanabis. Në cilësinë e provës materiale u sekuestruan dozat e lëndës narkotike, një peshore elektronike që shërbente për ndarjen e lëndës narkotike në doza, 7 aparate celulare dhe automjeti tip “Volksëagen”.
Sipas policisë 47-vjeçari shpërndante drogën në Lushnjë dhe në fshatrat e Divjakës. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të metejshme, për veprën penale “Prodhimi dhe shitja e narkotikëve”.