Një çift bashkëshortësh janë lënduar si pasojë e shpërthimit të bombolës së gazit në banesën e tyre.
Policia bën me dije se ngjarja ka ndodhur mbrëmjen e djeshme në fshatin Nizhavec, Pogradec, ku si pasojë e shpërthimit të bombolës së gazit ka marrë flakë banesa e çiftit me iniciale N. Xh. 33 vjeç dhe H. Xh., 30 vjeçe, të cilët ndodhen jashtë rrezikut për jetën.
Ndërkohë po punohet për zbardhjen e plotë të ngjarjes.
“Më datë 30.04.2022, rreth orës 19:00, në fshatin Nizhavec, Pogradec, ka rënë zjarr në banesën e shtetasit N. Xh., 33 vjeç, ku për pasojë është djegur pjesërisht banesa dhe kanë marrë dëmtime të lehta, pronari i saj N. Xh. dhe bashkëshortja e tij H. Xh., 30 vjeçe, të cilët ndodhen jashtë rrezikut për jetën.
Nga hetimet e kryera rezulton se zjarri ka rënë aksidentalisht, si pasojë e shpërthimit të një bombole gazi”, thuhet në njoftimin e policisë.