Zinedine Zidane është shumë pranë fitimit të titullit të dytë kampion si trajner i Real Madridit. “Los Blancos” u duhet të fitojnë katër nga pesë ndeshjet që kanë mbetur për t’ia dalë.
Trajneri, sipas medieve franceze, po mendon largimin e dy lojtarëve ofensivë. Ata janë Gareth Bale dhe James Rodriguez. Pavarësisht emrit të madh, ata nuk kanë përmbushur pritshmëritë në Madrid.
Uellsiani nuk është i lumtur atje, por vijon të qëndrojë duke qenë se merr pagë të majme. James po kërkon një skuadër që i garanton një vend titullari dhe Zidane nuk ia ofron.