Një shpërthim me lëndë plasëse është regjistruar gjatë orëve të para të mëngjesit në qytetin e Krujës.
Sipas informacioneve paraprake, rreth orës 02:30, një sasi tritoli i është vendosur një automjeti tip “Fiat”, në pronësi të shtetasit Dervish Guni.
Si pasojë e shpërthimit janë shkaktuar vetëm dëme materiale në automjet, ndërsa nuk raportohet për persona të lënduar.
Menjëherë pas ngjarjes, në vendngjarje kanë mbërritur shërbimet e Policisë, të cilat kanë nisur hetimet për identifikimin dhe kapjen e autorit.
Burime bëjnë me dije se policia ka sekuestruar pamjet e kamerave të sigurisë në zonë, të cilat kanë fiksuar një person të maskuar, i dyshuar si autor i vendosjes së lëndës plasëse.
Ngjarja dyshohet të ketë ndodhur për konflikte pronësie.
Grupi hetimor po punon për zbardhjen e plotë të rrethanave të ngjarjes dhe identifikimin e autorit, ndërsa po hetohen edhe motivet e këtij shpërthimi.