Nje 39-vjeçar i ka shpëtuar për hetë të shtatë atentatit me armë zjarri. Ngjarja ka ndodhur në Sarandë, mbrëmjen e të mërkurës.
Atentatorët kanë qëlluar në drejtim të një pike llotoje, pranë shëtirores së qytetit.
Në pikën e llotos ndodheshin rreth 30 persona, por fatmirësisht nuk raportohet asnjë i lënduar.
Objektivi ka qenë shtetasi Rudin Haxhia, 39 vjeç, ndaj të cilit është hera e tetë që kryhet atentat.
Autori është larguar nga vendi i ngjarjes, duke braktisur edhe armën tip kallashnikov, me të cilën ka qëlluar. Policia po punon për zbardhjen e ngjarjes dhe kapjen e autorit.
Kush është Haxhia
Pronari i diskos “Ecuador” në Sarandë dhe Gjirokastër, Rudin Haxhia 38 vjeç dhe kushëriri i tij, konkretisht djali i xhaxhai Eneid Haxhia 28 vjeç ranë prej e një atentati gjatë vitit 2015.
Ngjarja e rëndë ka ndodhur pasditen e së mërkurës, 30 dhjetor 2015, rreth orës 15:45 në aksin rrugor Delvinë-Bistricë, ne vendin e quajtur “Shtreg”.
Sipas policisë, Rudin dhe Eneid Haxhia ishin duke udhëtuar me një mjet tip “Volskëagen” në aksin rrugor Delvine-Bistrice, në momentin kur janë qëlluar me breshëri plumbash nga një mjet tip Audi me ngjyrë të zezë.
Mjeti “Volskëagen” me targa AA 945 JG ne pronësi te shtetasit B.LL 31 vjeç drejtohej nga Eneid Haxhia, ndërsa Rudin Haxhia ishte pasagjer.
Nuk dihen ende rrethanat e atentatit, por burime policore bëjnë me dije se Rudini ka marrë 5 plumba në shpatull dhe një në këmbë dhe ndodhet në gjendje të rëndë shëndetësore, kurse kushëriri i tij Eneid Haxhia ka marrë 2 plumba në këmbë. Të dy të plagosurit janë nisur drejt Tiranës.
Policia ka sekuestruar 18-gëzhoja model-56 dhe 1- gëzhojë Pistolete tip TT.
Shërbimet e Policisë së Sarandës dhe Delvinës janë organizuar dhe kanë ngritur pika të shumta kontrolli me qëllim identifikimin dhe kapjen e autorëve.