Tre javë pas vendosjes së orës policore dhe kufizimeve për shkak të situatës së rënduar me Covid-19, kjo masë skadon sot.
Komiteti Teknik i Ekspertëve njoftoi se ora policore për kufizim të levizjes pas orës 22:00 do të vijojë deri më datë 2 dhjetor (sot) e më pas do të kishte një tjetër komunikim mbi skenarin e radhës për parandalimin e përhapjes të Covid-19.
Burime të besueshme bëjnë me dije për Tirananews.al se Komiteti i Ekspertëve do të lançojë sot planin e ri te masave anti-Covid.
Mësohet se mbajtja e maskave në ambiente të hapura do të jetë një masë e pandryshueshme nga Komiteti i Ekspertëve.
Sa i përket orarit të kufizimit të lëvizjes përgjatë javës, të njëjtat burime thanë për Tirananews se afati kur nuk do të lejohet më lëvizja do të vijojë të mbetet ora 22:00.