Spitali i Lezhës mund të rikthehet në normalitet pasi i gjithë personeli i spitalit nuk është i prekur nga virusi i ri, pas publikimit të rezultateve të testeve që ata kryen.
Por një mrekulli tjetër ka ndodhur sot në këtë spital, ku kanë ardhur në jetë 8 foshnje, 5 vajza dhe 3 djem.
“8 është numri i të porsalindurve në 24 orëshin e fundit në shërbimin e Obstetrikë-Gjinekologjisë të spitalit Lezhë.
5 vajza dhe 3 djem me shëndet të plotë gëzuan pamasë prindërit si dhe stafin mjekësor që ofron kujdes me përkushtim pranë këtij shërbimi!
Spitali Lezhë në gadishmëri të plotë për ti ardhur në ndihmë çdo qytetari në nevojë!”, thuhet në një njoftim në “Facebook” të Spitalit të Lezhës.