Sa më shumë të flitet për shqiptarët nga sekretarja e Brendshme e Britanisë së Madhe, aq herë edhe mediat atje do të intervistojnë kryeministrin Edi Rama.
Kreu i qeverisë shqiptare, iu është rikthyer edhe një herë akuzave të Suella Braverman, ku i etiketon shqiptarët si kriminelë dhe pushtues. Në një intervistë për “Sky News”, Rama u shpreh se deklarata ishte e ekzagjeruar dhe se ajo që e shqetëson është fakti se nuk kërkohet falje.
“Në politikat e ditëve të sotme nganjëherë këto gjëra mund të ndodhin, por ajo që më shqetëson më shumë është se nuk kërkohet falje. Është një mënyrë e ekzagjeruar e të shprehurit. Kjo është ajo që më shqetëson. Kjo do të thotë se ka një kalkulim, ku ti vërtetë po flet për disa votues, që të dëgjojnë atë pasi ti do votën a tyre”.