Nëna e 21-vjeçares greke, e cila u përplas me makinë nga një shqiptar në Selanik, tregoi se e bija ndodhet në gjendje të rëndë.
“Vajza ime e vogël ishte në krahët e familjes deri në orën 11 të mbrëmjes dhe udhëtoi për në Selanik për të takuar vdekjen”, u shpreh nëna e vajzës 21-vjeçare.
Për këtë ngjarje, foli edhe tezja e 21-vjeçares.
“Kjo ishte rruga që ndoqi, sapo u kthye nga Chania. Ajo nuk donte të merrte makinën e saj në Selanik, të shkonte në një qytet të huaj dhe të na shqetësonte. Ajo nuk pinte, donte të ishte e sigurt. Tani shpresojmë për një mrekulli për jetën e saj. Situata është shumë e vështirë. Policia është në kërkim të autorit, por edhe nëse do ta gjejë do të dalë dhe do të jetë i lirë. Sot ajo ishte mbesa ime, nesër do të jetë një tjetër fëmijë”, u shpreh ajo.
Në lidhje me shoferin që u tërhoq dhe la mbesën të mbuluar me gjak, ajo thekson se nga veprimet u kuptua që shqiptari nuk kishte ndërmend të ndalonte dhe nuk donte ta ndihmonte vajzën.
Policia është në kërkim të shqiptarit që është larguar me makinë dhe ka braktisur 21-vjeçaren e plagosur rëndë në rrugë