Policia e Greqisë ka arrestuar një 30-vjeçar shqiptar, pasi është kapur duke transportuar 31 emigrantë të paligjshëm kundrejt pagesës.
Mediat e huaja raportojnë se shqiptari dhe një shtetase greke janë arrestuar në Thesprotia të Greqisë, pasi janë kapur në flagrancë duke transportuar 31 emigrantë të paligjshëm. Shqiptari u kap duke transportuar emigrantët në një kamion drejt kufirit greko-shqiptar, kundrejt pagesës 100 euro.
Ndaj të riut shqiptar me iniciale I.X., rëndon akuza e transportit të emigrantëve të paligjshëm.