Një 31-vjeçar shqiptar është arrestuar nga policia në Itali, pasi ka goditur me shkelma dhe grushte efektivin gjatë një tentative për vjedhje.
Ai u kap në flagrancë bashkë me një shtetas italian, në tentativë për të vjedhur një shtëpi në Bagnaia të Periugias në Itali.
Policia mbërriti në vendin e ngjarjes duke kapur në befasi hajdutët, ku më pas shqiptari u përlesh fizikisht me efektivin. Ky i fundit ka qëlluar me pistoletë në ajër për të trembur agresorin, ku më pas e ka arrestuar. Ndërkohë italiani ka mundur të arratiset.
31-vjeçari rezultoi se kishte precedentë të mëparshëm penalë dhe ishte i paligjshëm në Itali. Ai akuzohet për tentativë vjedhjeje, rezistencë dhe plagosje të një zyrtari të policisë.