Një përleshje e dhunshme mes të burgosurve ka ndodhur në burgun e Domkos në Greqi.
Protagonist ka qenë një 48-vjeçar shqiptar, i dënuar me 34 vite e 6 muaj burg për vjedhje, armëmbajtje pa leje dhe grup të strukturuar kriminal.
Shqiptari plagosi me mjet prerës një 28-vjeçar algjerian dhe një 29-vjeçar palestinez, të cilët u transportuan me urgjencë në spital.
Ende nuk dihen motivet e sherrit të dhunshëm mes shqiptarit dhe dy të plagosurve.
Mediat greke bëjnë me dije se pas dhënies së ndihmës së parë, algjeriani i plagosur, i cili vuan dënimin me 10 vjet për grabitje, është kthyer në qeli.
Ndërkohë që palestinezi, i cili vuan dënimin me 15 vjet e 10 muaj për trafik droge dhe grup kriminal, ndodhet ende në spital nën kujdesin e mjekëve.