Shpëtim dhe Fatjon Halili kanë rënë në prangat e Policisë së Krujës, pasi u zbuluan si trafikantë në dy shtëpi bari. Policia arriti të sekuestroje 268 bimë kanabis, 51 llamba dhe pajisje elektrike që i shërbenin kultivimit në ambiente të mbyllura.
Dy vëllezërit banonin në fshatin Qerekë të Krujës, ndërsa në banesën e njërit prej tyre zbuluan 2 ambientet që furnizoheshin me lidhje të paligjshme të energjisë elektrike.
Materialet procedurale i kaluan Prokurorisë, për veprime të mëtejshme, për veprat penale “Kultivimi i bimëve narkotike” dhe “Vjedhja e energjisë elektrike ose impulseve telefonike”.