Telefonat celularë të miliona spanjollëve do të gjurmohen këtë javë si pjesë e një projekti shtetëror.
Agjensia e statistikave INE insiston se ky projekt do të gjurmojë qytetarët se në çfarë vendesh shkojnë gjatë ditës dhe natës.
Pjesa e parë e projektit zhvillohet nga data 18-21 nëntor e më pas edhe gjatë fundjavave.
Të njëjtin eksperiment do ta zhvillojnë edhe gjatë verës. Në këtë projekt marrin pjesë kompanitë gjigante të telefonisë si Movistar, Vodafone dhe Orange
Ata kanë dorëzuar informacione për çdo përdorues dhe deklarojnë se nuk janë në kundërshtim me ligjin pasi ndër këto informacione nuk përfshihen të dhëna personale.
Agjensia e statistikave deklaron se ky studim do të ndihmojë qeverinë të analizojë lëvizshmërinë e spanjollve në mënyrë që të përmirësoj dhe cilësinë e transportit publik.
Por ky projekt padyshim ka pasur edhe kundërshtime kryesisht në rrjete sociale ku shumë përdorues kanë ngritur problematikën e përgjimit.
Një avokat shprehet se dorëzimi i të dhënave të përdoruesve për qëllime studimi është në kundërshtim me ligjin. Ai sugjeron fikjen e celularëve ose kthimin e tyre në “airplane mode” në mënyrë që të mos gjurmohen.