Edhe pse hetimet nga prokuroria kanë përfunduar, vijon saga për gjyqin ndaj Arbër Paplekaj, i akuzuari për vrasjen e Pjerin Xhuvanit pak ditë para zgjedhjeve të 21 prillit 2021 në Elbasan.
Këtë të mërkurë shkak është bërë mungesa e të akuzuarit në seancë dhe kjo për një arsye të paparashikuar. Në një email të ardhur nga burgu, nënvizohet se nuk kanë kapacitet për transportin e Paplekajt.
“Nuk ka një arsye objektive që varen nga ne, që seanca u shty. Ai donte të ishte në këtë seancë. Nuk kanë kapacitet ta shoqërojnë edhe pse Arbri ka dashur të jetë i pranishëm. Kështu thotë emaili”, ka thënë avokati i tij.