Është shuar në moshën 88-vjeçare, “Mjeshtri i Madh” i violinës, Hetem Qerimaj. Lajmin e ndarjes nga jeta e ka dhënë i biri. “Të nderuar miq, me dhimbje ju njoftoj ndarjen nga kjo jetë të babit tim të dashur, Hetem Qerimaj. Zoti e pranoftë në parajsë”, shkruan Fatos Qerimaj.
Hetem Qerimaj, mjeshtër virtuoz në violinë, krijoi kabanë e parë në violinë në moshën 22-vjeçare dhe e interpretoi në publik.
Për 18 vite punoi si violinist pranë Filarmonisë Shqiptare (5 vjet) dhe në orkestrën e Teatrit të Operas (13 vjet te tjera).
Gjithë pjesën tjetër të veprimtarisë e kreu pranë Orkestrës së Ansamblit të Ushtrisë, pranë të cilit doli edhe në pension pas 34 vjet punë artistike.
