Kryeministri Edi Rama sqaroi edhe se si do të funksionojë leja online për të bërë pazaret, aplikim që do të nisë nga e hëna. Ai tha se përjashtohet anëtari i familjes që shkon në punë, pasi ai ka autorizimin.
Ndërkaq ai paralajmëroi se pensionistët përjashtohen nga ky aplikacion, pasi kursesi nuk duhet të dalin nga shtëpia. “Për ata që nuk kanë kompjuter apo smartphone të marrë masa nesër për të bërë shpenzimet e nevojshme sepse ditën e hënë nuk do të mundët të qarkullojnë dot nëse procedura nuk e lejon, që do të thotë nuk e lejon procedura pasi nuk kanë mundësi të marrin lejen automatike. Ne po punojmë me kompanitë celulare dhe po qe se do të jetë e mundur që kjo procedurë të konsolidohet dhe të jetë gati për nesër, atëherë patjetër që do letësojë ditën e hënë dhe ata me telefon të zakonshëm”, tha Rama.
Ai sqaroi se anëtari i familjes që shkon në punë ka autorizimin që ka dhe do vazhdoj të përdorë të njëjtin autorizim. Pra, jo leje për pazar jo më shumë se dy anëtar familje.