Prej muajt janar Shqipëria ka nisur fushatën e vaksinimit kundër COVID-19, ndërsa deri më tani janë vaksinuar pjesëtarë të stafit mjekësor, ndërsa që nga kjo vaksinën po e marrin dhe të moshuarit.
Lidhur me këtë proces ka folur ekspertja e Institutit të Shëndetit Publik, Silva Bino, e cila thotë se plani për vaksinimin është i qartë dhe se ai është i detajuar me të gjithë numrat përkatës të kategorive që do të vaksinohen.
Bino tha lajmin se personave që do t’iu vijë radha për t’u vaksinuar do të njoftohen nga mjeku i familjes.
“Situata është kritike. Komiteti i Ekspertëve ka rekomanduar përforcimin e masave. Sepse që të japë efekt programi i vaksinimit do të duhet një farë kohe. Kemi një plan kombëtar vaksinimi dhe një plan të përgatitur me numra përkatës, të personelit shëndetësor, të moshuarve, personave me probleme shëndetësore etj. Të gjitha numrat janë të gatshme në planin kombëtar të vaksinimit. Në bazë të numrave kemi dhe mikroplanin për çdo bashki. Plani i vaksinimit mund të zhvillohet tek ambulanca e lagjes, në një qendër komunitare. Një qytetar do të lajmërohet nga mjeku i familjes kur t’i vijë radha për t’u vaksinuar”,-tha Bino në “A2”.