Këngëtari i famshëm Flori Mumajesi është një nga artistët më të pëlqyer nga publiku, i cili ka shumë kohë që performon në skenën shqiptare.
E kemi parë të rritet, që nga vitet e adoleshencës e deri tani, por si dukej Flori në vitet e tij të fëmjërisë? Këtë na e ka treguar vetë këngëtari nëpërmjet një postimi në ‘Instagram’. Ai ka publikuar një foto të vjetër, i veshur me një kostum marinari dhe ulur mbi një kalë prej druri.
Këngëtari e ka shoqëruar foton me një përshkrim: “Kush është rritur në Kombinat, e njeh mirë këtë kalin” duke e shoqëruar fjalinë me ‘emoji’. Mesa duket ai ka qenë i preferuari i Florit, pasi këngëtari dukej shumë i lumtur mbi të.
