Shefi i Urgjencës Kombëtare Skënder Brataj është tashmë në një gjendje më të mirë shëndetësore teksa këto ditë do të bëjë dhe tamponin. Ai tha se kuraja e njerëzve është 80% e shërimit, duke përmendur këtu dhe shërimin e dr. Krajës.
“Nuk ka gjë që nuk kalohet, ne jemi mësuar që si shqiptarë gjëja e parë që mendojmë është “nuk bëhet”. Normal që varet nga kushtet e shëndetit të gjithësecilit prej nesh, por nuk ka gjë që nuk bëhet si me mbështetjen e njerëzve, vullnetin personal dhe terapinë e kolegëvë hap pas hapi. Nuk kalohet mirë një sëmundje, sado e lehtë të jetë, as në shtëpi dhe as në spital. Duke parë që është një sëmundje agresive, armiku i mushkrive, godet aty ku me gjithë mend bën dëm në një kohë të shkurtër dhe shumë herë nuk e merr vesh. Një sëmundje që nuk jep dhimbje, po vetëm kur ke vështirësi në frymëmarrje”, tha Brataj.
Duke folur për doktorin reanimator Roland Xhaxho, Brataj tha se ai kishte një javë që kishte shenja dhe pas skanerit të mushkërive u pa se kishte komplikacione.