Një pastiçeri në Pensilvania të SHBA ka menduar të sjellë diçka të re përsa i përket akullores, duke sjellë në treg atë me shije djathi dhe makaronash.
Në postimet në rrjetet sociale njerëzit u çuditën për këtë lloj të ri akulloreje duke pasur dyshime për shijen e saj. Por një prej personave që e shpërndau thotë se e ka provuar dhe kishte një shije shumë të mirë.
Daily Mail shkruan se ankesa e vetme ishte se pjesët e ngrira të makaronës ishin të forta si topa akulli. Megjithatë pronarët e pastiçerisë thonë se është një prodhim i kufizuar i saj dhe nuk do të jetë gjithmonë në banakun e akulloreve.