Janë zbardhur të tjera detaje të reja nga plagosja e ndodhur pasditen e sotme në urën e Bunës në Shkodër. Mësohet se i plagosuri, Gëzim Bici ka qenë në këmbë në momentin kur autorët, e kanë qëlluar nga një automjet në lëvizje.
Sipas dëshmitarëve, nuk është dëgjuar asnjë zhurmë nga plagosja, gjë që shton dyshimet se autorët kanë përdorur një pistoletë me silenciator, ose armë e një kalibri të vogël.
Në urën e Bunës, ndodhen disa restorante dhe biznese të tjera, ndërsa Policia ka shoqëruar në Polici një peshkatar, i cili ka qenë pranë në momentin e plagosjes.
Ngjarja ka ndodhur pasditen e sotme në urën e Bunës në Shkodër. Mësohet se i plagosuri është Gëzim Bici, i cili është qëlluar pasi është ndjekur për disa metra nga autorët. Aktualisht ai po operohet për t’i nxjerrë plumbat nga qafa dhe krahu, dhe ndodhet në gjendje të rëndë shëndetësore. Policia dhe grupi hetimor ndodhen në vendngjarje, ku edhe kanë nisur punën për zbardhjen e rastit.