Ditët e fundit Arbana Osmani ka udhëtuar drejt Italisë, dhe në fillim dukej si një “arratisje” për pak ditë pushim, para se “Big Brother VIP” të nisë transmetimin.
Mirëpo, moderatorja zbuloi më vonë se arsyeja ishte vetë reality-shoë. Arbana ndau disa pamje, në ambientet e “Grande Fratello VIP”, ku ka takuar edhe dy nga autorët, Omar Bouriki dhe Alfonso Signorini. Në një postim në Instagram, në fund të vizitës, ajo i ka falënderuar që kanë ndarë eksperiencat dhe që i kanë pritur.
Krahas përgëzimeve, ajo që ka marrë vëmendjen ka qenë një komenti i një ndjekëseje, e cila e ka kritikuar Arbanën në lidhje me mënyrën e saj të veshjes.
“Du me ta ba një “vrejtje miqeëore”. Thjesht për zog qejfit për një kafe me “Chemin” vishesh lyhesh e rregullohesh më del miss… Shkon në një vend kaq madhështor në kontakt me njerëz shumë të njohur, në një vend kaq gjigand… vishesh si me ken tu shku me rujt lopët”, ka shkruar ndjekësja. Këtë koment Arbana nuk e ka lënë pa përgjigje, duke iu kthyer e duke i treguar arsyen pse ka zgjedhur të vishet në atë mënyrë. “Jam veshur që të jem rehat se kam ardhur për pune jo për qejf”, i shkruan ajo.
Ndërkohë, “Big Brother” nis transmetimin në datën 1 tetor, dhe deri tani nuk është zbuluar asnjë konkurrent, por në media çdo ditë raportohet për personazhe që do bëhen pjesë e reality-shoët.
Mes VIP-ave të përfolur deri tani për të qenë pjesë e formatit janë: Sheila Haxhiraj, Semi Jaupaj, Arjola Demiri, Riselda Sejdija, Romeo Veshaj, Ema Andrea, Beatrix Ramosaj, Kastro Zizo, Robert Berisha, etj., megjithatë vetë produksioni nuk ka konfirmuar asnjë personazh. Në faqen zyrtare të programit në Instagram janë publikuar videot e disa prej konkurrentëve, por pa iu zbuluar portretin.