Një gjykatë gjermane ka vendosur që rregullat e mbrojtjes së privatësisë së Facebook shkelin ligjin për mbrojtjen e konsumatorit dhe të dhënave.
Aktvendimi, i cili u botua të premten, e ndëshkoi Facebook-un për gjurmimin e vendndodhjes në aplikacionin e tij celular dhe për ndarjen e një lidhjeje me profilin e përdoruesve me motorët e kërkimit.
Vendimi i gjykatës shtetërore në Berlin nuk mund të apelohet, megjithëse pritet që të dy, Facebook dhe organizata kryesore e Gjermanisë për mbrojtjen e konsumatorit, e cila solli kërkesën, do të apelojnë kundër pamundësisë së tyre për të apeluar.
Një zëdhënës i organizatës së konsumatorit në Berlin, tha që ata kishin një interes për të apeluar vendimin në mënyrë që çështja të mund të analizohej nga një gjykatë më e lartë, duke i dhënë kështu më shumë peshë. Por gjykata tha, që pretendimet e tanishme të marketingut të Facebook janë të lira “dhe gjithmonë do të jenë”, ato nuk kundërshtuan standardet e konsumatorit ose të privatësisë.
Organizata për mbrojtjen e konsumatorit kishte argumentuar se kërkesa ishte e dyshimtë pasi konsumatorët paguajnë në mënyrë indirekte me të dhënat e tyre.
Aktvendimi vjen pasi autoriteti i konkurrencës në Itali kërcënon Facebook me një gjobë prej 5 milion eurosh për mosrespektimin e një urdhri të mëparshëm nga autoriteti që kritikon dështimin e kompanisë së mediave sociale që të mos informojë përdoruesit se të dhënat e tyre përdoren për arsye tregtare.
Në vendimin e gjykatës gjermane thuhet se: “Organizata e konsumatorit u ankua për gjithsej 26 shkelje individuale. Gjykata e Dhomës ndoqi mendimin juridik të shoqatës për shumë pika. Një shërbim vendndodhjeje ishte aktivizuar tashmë në aplikacionin Facebook për telefonat mobil, i cili u tregon partnerëve të bisedës se ku janë.
Në cilësimet e intimitetit, paraprakisht ishte vendosur një pikë kontrolli që motorët e kërkimit do të merrnin një lidhje me kronikën e pjesëmarrësit. Kjo e bën të lehtë dhe të shpejtë për të gjithë që të gjejnë profilin e tyre në Facebook”.