Të të vjedhin fjalëkalimet e një rrjeti social ose një laptopi është shumë stresuese.
Ajo që e bën edhe më të vështirë, është fakti se shpesh hacker-ët do t’i marrin këto kredenciale, duke u siguruar që përdoruesit nuk janë në dijeni të kësaj vjedhjeje të të dhënave. Pra, në heshtje, të dhënat tuaja do të jenë duke u përgjuar dhe vjedhur rregullisht.
Megjithatë, nëse dyshoni për diçka të tillë, ka disa shenja që duhet të keni parasysh:
- Në kompaninë ku punoni ka ndodhur një vjedhje e të dhënave: Gjasat janë që e njëjta gjë të ketë ndodhur me email-et, laptopin dhe çdo fjalëkalim që lidhet me vendin ku punoni.
- Vini re aktivitete të dyshimta në rrjetet tuaja sociale, por që nuk janë bërë nga ju: Mesazhe të hapura, kërkime të ndryshme në search.
- Ju vijnë mesazhe të aktiviteteve të dyshimta me kartën tua të kreditit. Kushtojini vëmendje edhe lëvizjeve të parave në shuma të vogla.
- Në email keni shumë “verification emails”, edhe pse ju nuk jeni përpjekur të log-oheni së fundmi në një nga llogaritë tuaja.
- Password-i nuk po funksionon më, shfaqet si “i vjetër”.
Çfarë të bëni:
– Ndërroni password-in në momentin e parë që dyshoni.
– Aktivizoni “two-factor authentication”.
– Kontaktoni me ofruesin e shërbimeve për atë aplikacion./albeu.com