Një shqetësim shumë i madh për shumë njerëz është zbokthi.Jo vetëm që flokët duken keq, por shfaqen edhe irritime e kruarje të kokës. Shampot kundra zbokthit përmbajnë shumë kimikate dhe ndonjëhrerë nuk e bëjnë punën ashtu siç duhet. Për këtë do ishte me e arsyeshme nëse do përdoreshin disa preparate natyrale.
Më poshtë do të gjeni disa receta se si ta largoni atë në mënyrë krejt natyrale:
Lëngu i limonit
Merreni një gotë me ujë, edhe aty shtoni lëng limoni dhe
masazhoni flokët me të. Pas disa minutave shpëlajini flokët me ujë të vakët.
Një trajtim si ky mund ta përsëritni 2-3 herë brenda javës, në mënyrë që
rezultatet të jenë maksimale, apo derisa zbokthin ta zhdukni njëherë e
përgjithmonë.
Uthulla e mollës
Një nga mënyrat është që uthullën e mollës ta përzieni me
ujin. Shpëlani flokët me këtë përzierje dhe lëreni të qëndrojë ashtu për disa
minuta. Nëse e keni një lëkurë më të ndjeshme, ju sugjerojmë që në gotën gjysmë
litërshe të përzieni 1lugë uthull molle. Bëjuni masazh flokëve, si dhe shpëlajeni
me një dush të lehtë për të mos pasur ‘aromë’ uthulle.
Vaji i ullirit
Përzieni dy lugë me vaj ulliri me një lugë vaj bademi. Lehtë
vendoseni në kokë, duke ua bërë një masazh të lehtë rrënjës së flokëve. E lini
të reagojë së paku për nja 15 minuta, e më pas shpëlajini flokët. Po ashtu,
mund ta përgatitni një përbërës nga vaji i ullirit dhe rozmarina. Në një lugë
vaj ulliri vendosni dhjetë pika vaj rozmarine. Me kujdes vendoseni në flokë dhe
do të ishte mirë që një përgatitje si kjo të qëndrojë aty gjatë gjithë natës.
Në mëngjes pastroni flokët mirë. Po ashtu, provoni me vaj argani, sepse ndihmon
në sekretimin e sebumit.