Mbrëmjen e sotme është arrestuar Nuredin Dumani në urgjencën e spitalit të Fierit ku kishte shkuar për të marrë ndihmë mjekësore. Ai ka marrë një plumb në shtyllën kurrizore pas përplasjes me armë që ndodhi më herët gjatë ditës së sotme në Papër të Elbasanit.
Mësohet se në momentin e arrestimit Dumani nuk ka bërë rezistencë. Ndërsa, në lagjen “Apollonia”, 1 km larg spitalit, poshtë një pallati nëntëkatësh ndodhet autoambulanca, policia dhe RENEA.
Edhe pse i prangosuri ka vështirësi për të hipur në furgonin e Policisë së Shtetit, me shumë gjasa për shkak të plagëve që ka marrë nga përplasja me armë zjarri sot në Papër të Elbasanit. Efektivët e mbajnë për krahu, ndërsa i arrestuari mezi ngjitet edhe pse distanca nga toka nuk është shumë e madhe.
