Në dijeninë e autoriteteve shëndetësore asnjë pjestar personeli nga ndonjë burg nuk është i prekur nga COVID-19.
“Deri tani nuk kemi të dhëna që të ketë personel shëndetësor me COVID-19”, tha Rakacolli.
E pyetur për fëmijët e prekur nga koronavirus, Rakacolli deklaroi se ata janë nga qytetet Tiranë, Durrës, Shkodër, Has dhe Krujë, por fatmirësisht gjendja e tyre është shumë e mirë dhe asnjë nuk është i shtruar tek Infektivi.
Pyetje: Të farë moshe janë fëmijët e infektuar me Koronavirus dhe si e kanë marrë?
Rakacolli: Fëmijët e prekur janë nga qytetet Tiranë, Durrës, Shkodër, Has dhe Krujë. Mosha mesatare e tyre është rreth tetë vjeç. Ata e kanë marrë pasi kanë qenë fëmijë në familjet ku ka pasur persona me koronavirus, por fatmirësisht janë të gjithë në gjendje shumë të mirë shëndetësore dhe asnjë prej tyre nuk është shtruar në spital.