Armando Lesi, një 43-vjeçar shqiptar dënua me 2 vite burg pasi u kap me fermë kanabisi në Angli. Era e fortë e drogës e nxori zbuluar duke nxitur policinë që të kryente kontroll në banesën e tij.
Pas një aksidenti, policia shkoi në lagjen ku qëndronte shqiptari dhe era e fortë e kanabisit i mori vëmendjen.
Edhe pse banesa ku qëndronte Lesi ishte si e izoluar, dallohej drita brenda shtëpisë dhe një person që lëvizte. Kur u futën në banesë, policia britanike zbuloi 30 bimë kanabisi si dhe mjete për rritjen e tyre.
27 impiante të tjera u gjetën në papafingo të shtëpisë dhe oficerët zbuluan se edhe matësi i energjisë elektrike ishte anashkaluar. Shqiptari u kontrollua dhe oficerët gjetën se ai mbante një leje drejtimi të rreme, e cila përmbante imazhin e tij, por emrin e dikujt tjetër, dhe një kartë bankare që nuk ishte e tij.
Një ekip i policisë tha se vlera e mundshme e drogës së kultivuar mund të shkonte deri në 72,000 paund. Kur shqiptari mbërriti në gjykatë, ai tha se ishte përfshirë në kultivimin e kanabisit për shkak të dështimit të biznesit të tij dhe borxheve të lojërave të fatit.