Dy këngëtarët me origjinë shqiptare janë njohur vetëm para dy vitesh dhe tashmë janë prindër të vajzës së tyre të vetme, Hana. Po historia e tyre e dashurisë ka një nisje të veçantë të gjithë e dinin se Loredanan e kishte Mozil, djale halle të paktën kështu thoshte ajo.
Gramoz Aliu Mozzik dhe e dashura e tij moshatare Loredana Zefi kanë më shumë se dy vite që njihen dhe tashmë po përjetojnë gëzimin e të qenit prindër. Ata njihen si një nga çiftet ‘gansta’ në shoëbizin shqiptar pasi edhe vetë bukuroshja e lindur dhe rritur në Zvicër ndjek një trend ndryshe. Me stilin e saj prej “gangstereje”, 23-vjeçarja e cila banonte në Emmenbrücke të Luzernit, për një kohë të shkurtër ka arritur të ketë mijëra ndjekës në “Instagram”. Në një intervistë për gazetën zvicerane “20 Minuten”, Loredana rrëfeu se është 100 përqind shqiptare.
Pavarësisht famës që ka Zefi u bë e njohur për shqiptarët në momentin që publiku filloi të dyshonte për lidhjen e saj me Mozzik. Deri në momentin që dyshja pranoi ta bënte publike lidhjen, reperja shprehej për mediat se Gramoz Aliun e ka djalë halle. Dhe kjo deklaratë hapi shumë debate në rrjet duke e kritikuar Mozzik se është në një lidhje me kushërirën e tij.
Kjo ishte thjeshtë një mënyrë për ta mbajtur të fshehtë lidhjen, pasi si Loredana ashtu edhe Mozzik njihen si supersticiozë. Për këtë arsye ata nuk pranojnë t’i bëjnë gjërat hapur deri në momentin kur janë të sigurtë për hapat që ndërmarrin. Tashmë e gjithë familja jeton në Prishtinë dhe Hana e vogël ka një llogari të sajën në Instagram. Çifti nuk kursehen më me postime në rrjetet sociale!