Një ditë më parë, gazetarja Sidorela Gjoni, ishte e ftuar në emisionin “Ftesë në 5” ku ka zbuluar një episod interesant që i ka ndodhur me një futbollist.
Duke u kthyer pas në vitin 2017, Sidorela tha se një djalë kosovar, që tanimë është një futbollist shumë i njohur i kishte shkruar në rrjete sociale, por ajo nuk i ishte përgjigjur.
“Në 2017, unë nuk e kam parë fare dhe mua më kishte shkruar një futbollist i kombëtares i Kosovës. I mirë tani, unë si kisha kthyer sepse s’e kisha parë fare mesazhin. Në vitin 2019, mua më duhej për një intervistë sepse bëri një gol në ndeshje të rëndësishme, është bërë goxha një futbollist me thënë të drejtën. Unë thash t’i shkruaj për intervistën. Hapa që t’i çoja mesazh, pashë 2017, kishte shkruar i shkreti. Unë i shkruaj dhe i them përshëndetje, sikur mesazhi lart të mos ekzistonte. Edhe ai ma përmendi e më tha hë Sidorela para tre vitesh. E i thash para tre vitesh nuk ishe bërë për intervistë. Jemi shokë, jo që flasim gjatë gjithë kohës, kur bën gol i them bravo, kur më sheh në televizor më thotë bravo e kaq”, u shpreh gazetarja.
