A shkoi mjeku Pëllumb Pipero në Itali për t’u kuruar nga Covid-19 apo jo?
Kjo është pyetja dhe ky është debati që “mori dhenë” pak kohë më parë, kur ai u prek me koronavirus pak ditë pasi mori vaksinën anti-covid.
Sot mjeku infeksionist ka thënë në një intervistë për abcnews se ka qenë në Itali, por pasi u shërua dhe pasi bëri 3 tamponë të cilët rezultuan negativë.
Ai tha se shkoi në Itali për të vizituar vajzën e tij që jeton atje dhe gjatë kohës së infektimit kishte komunikuar me një kolegun e tij në Turqi.
Pipero: Atëherë se dua ta sqaroj njëherë e mirë këtë gjë. Unë dy javë pasi dola pozitiv bëra një tampon, gjithsej kam bërë tre tamponë dhe më dolën negativë. Pastaj shkova në Itali te vajza ime që jeton atje. Gjatë kohës që kam qenë i infektuar nuk kam komunikuar me mediat, vetëm me një kolegun tim mjek në Turqi për disa këshilla.