Ministrja e Shtetit dhe kryenegociatorja e Shqipërisë për në BE, Majlinda Dhuka u shpreh se opozita është bashkë me mazhorancën sa i përket integrimit të vendit në Bashkimin Europian.
Edhe pse situata është tejet e tensionuar mes dy palëve politike në vend, veçanërisht pas arrestimit të Ervin Salianjit, Dhuka theksoi se situata e ditës lihet pas kur bëhet fjalë për çështjen e integrimit.
”Shqipëria mirëpret organizimin e konferencës së dytë ndërqeveritare për çeljen e negociatave, sipas vendimit të vendeve të BE.
Shqipëria ka bërë progres të dukshëm në reformat e rëndësishme për anëtarësim, përfshirë këtu reformën në drejtësi dhe të tjera të lidhura me funksionimin e institucioneve.
Sa i përket opozitës dhe pozitës, në Shqipëri janë bashkë sa i përket integrimit dhe Shqipëria do të progresojë për t’u bërë pjesë e BE-së, pavarësisht situatave të ditës”, tha ministrja Majlinda Dhuka.