Forcat e Armatosura po transportojnë rreth 800 pako ushqimore nga rezervat materiale të shtetit për banorët e fshatrave të bllokuar në Vaun e Dejës, Mirditë, Lezhë dhe Kurbin me kërkesë të pushtetit lokal.
Sipas informacioneve zyrtare nga Ministria e Mbrojtjes, trupat dhe mjetet lundruese dhe të kalueshmërisë së lartë të batalionit të I të këmbësorisë dhe atij të mbështetjes rajonale po ndihmojnë lëvizjen e banorëve të njësive administrative Ana e Malit dhe Dajç në bashkinë e Shkodrës.
Në të gjithë territorin e vendit mbizotëron mot i kthjellët, me vranësira lokale, i shoqëruar me temperatura të ulëta. Të gjitha akset kombëtare janë të kalueshme, por në zonat malore rekomandohet përdorimi i gomave dimërore. Në akset rurale të zonave malore është e nevojshëm përdorimi i zinxhirëve.
Forcat e Armatosura janë të angazhuara për hapjen e rrugës së fshatit Trebinjë në Pogradec dhe zonës së Thethit në Shkodër.